Apati lendi, 3 me 2010, fanmi yo ka fè peman Florida KidCare yo ak lajan kach nan yon biwo “Fidelity Express”.
Gen apeprè 600 biwo Fidelity Express ki disponib toupatou nan eta a.
Ap gen yon frè $2.00 pou sèvis pratik sa a pou chak peman ki fèt ak lajan
kach.
Pran mezi sa yo pou fè yon peman ak lajan kach:
- Ale nan youn nan plizyè biwo Fidelity yo kote w kapab peye bil yo san pwoblèm.
- Anplwaye a ap pase koupon ou lan nan eskanè a epi lap rantre enfòmasyon sou peman ou lan nan
konpitè a.
- Ou va fè peman ou lan. Fidelity otorize pou l aksepte lajan kach sèlman
pou Florida KidCare.
- (Si w pa gen yon koupon, ou dwe gen nimewo kont fanmi an ki gen 10 chif ladan pou w bay anplwaye a.) Si w pa
gen yon koupon oswa si w pa gen nimewo kont fanmi an, anplwaye a pap aksepte peman ou fè ak lajan
kach la.
- Anplwaye a ap remèt ou koupon ou lan (si w te ba l youn), ansanm ak resi a pou w kenbe nan dosye w
yo.
- Tanpri verifye enfòmasyon ki nan resi a pou wè si se menm ak sa ki nan koupon an anvan ou soti
nan biwo a.
- Si w fè peman ou lan anvan 3:00
p.m., lè nan zòn ès la, yo va anrejistre peman ou lan pwochen jou travay la.
- Si w fè peman ou lan apre 3:00
p.m., lè nan zòn ès la, yo va anrejistre peman ou lan nan 2 jou travay.
- Remake, li ka pran 2 jou travay pou yo anrejistre peman ou fè ak lajan kach la. Li enpòtan pou
w bay tan pou yo anrejistre peman ki fèt ak lajan kach la. Si w peye twò pre fen mwa a, yo
kapab anile asirans pitit ou a pou 30 jou poutèt ou peye anreta. Si sa rive, yo va aplike lajan an
pou pwochèn fwa yo reyenstale asirans pitit ou a.
Pou jwenn yon biwo Fidelity Express, fanmi ki gen aksè nan entènèt la kapab ale nan: www.fidelityexpress.com.
Men yon modèl anblèm Fidelity Express:
