Tranzisyon pou soti nan lekòl elemantè pou ale nan kou mwayen se yon bagay drastik – koulyeya timoun
yo ka chaje klas/pwofesè pou chak matyè. Klas yo ap vin pi enpòtan epi yo dwe pi endepandan toujou.
Kouman paran kapab ede?
Lekòl
Tranzisyon
Sijesyon sa yo ap ede w ak tanzisyon pitit ou soti nan lekòl elemantè pou ale nan kou mwayen:
- Prepare pitit ou pou tranzisyon nan kou mwayen an. Pale de kisa pou yo atann ak kouman pou yo
debouye yo nan sitiyasyon diferan.
- Volontè nan lekòl yo – nan klas la, nan biwo konseye a, nan biwo resepsyonis la, eksetera. Si li
konnen ou la pafwa, sa va fè pitit ou santi l an sekirite epi lap patisipe pi plis nan pwosesis
pou aprann lan.
- Ou dwe montre pitit ou, ou sipòte li, men ou pa fèt pou twò pwotektif. Kite yo fè erè epi rezoud
pwoblèm lan poukont yo, men toujou disponib kòm yon filè pou pwoteksyon.
Devwademezon
Devwademezon an pral entans anpil lè yo soti nan lekòl elemantè pou ale nan kou mwayen epi sandout
lap double letan pou yo rive nan uityèm ane. Men kouman pran kapab ede:
- Chwazi yon kote egzak pou fè devwademezon.
- Mete nou dakò sou yon lè regilye pou fin fè devwademezon, swa dapre revèy la oswa anvan pitit ou
al jwe videyo, eksetera.
- Pa fè devwa a pou pitit ou. Si pitit sanble li bezwen anpil èd, pale avèk pwofesè li de lòt jan
ou kapab ede.
- Menm si pitit ou pa gen devwademezon yon jou swa kèlkonk, eseye ba li yon liv pou li, eksetera
pou li kapab kenbe yon woutin.
- Volontè nan klas pitit ou pou w ka gen yon lide sou kisa yap aprann, kouman pwofesè a fè kou a
epi ki kalite devwa pou w atann.
Return To Top
Amitye
Navige nan politik sosyal nan kou mwayen an se yon bagay ki kapab entimidan – menm pou granmoun!
Pitit ou kapab fè l, men timoun kapab brital, espesyalman nan laj sa a. Men kèk sijesyon sou kouman
ou kapab nouri amitye pitit ou:
- Rankontre zanmi pitit ou ak paran yo oswa moun ki pran swen yo.
- Envite zanmi yo lakay ou pou pase tan ansanm, men ou dwe gen yon seri prensip ki etabli pou
lakay ou.
- Jwenn ki règ ki etabli lakay zanmi pitit ou pou ka pale de yo ak pitit ou.
- Fè pitit ou patisipe nan aktivite apre lekòl pou ekspoze li nan plis opòtinite pou fè zanmi, pou
ogmante respè li gen pou tèt li epi ankouraje konpòtman sosyal yo.
- Si gen yon pwoblèm ki rive ak yon zanmi, pale ak pitit ou sou rezon yo panse ki fè sa rive epi
kisa yo kapab fè pou rezoud li.
- Si w sispèk pitit ou kapab gen lòt timoun ki entimide li oswa lap entimide lòt timoun, pale ak
pwofesè li oswa direktè lekòl la imedyatman.
Return To Top
Nitrisyon
Chwa ki bon pou lasante
Li enpòtan pou paran bay yon konbinezon fwi, legim, pwoteyin (pwa, vyann), pwodui ki fèt ak lèt (lèt,
fwomaj) epi lanmidon (pen, makawoni) pou ankouraje abitid manje ki bon pou lasante nan repa ak goute
yo. Pou lide sou resèt pou goute ak repa ki bon pou lasante dapre pwodui Florida yo, gade nan Florida Department
of Agriculture’s Extreme Cuisine cookbook [Liv kwizin ekstrèm Depatman Agrikilti nan Florid
la]..
- Dejene se repa ki pi enpòtan nan jounen an. Manje dejene ede bay dijesyon ak metabolis yon
bourad.
- Eseye fè ansòt pou manjemidi nan lekòl la bon pou lasante tou. Panse pou mete sandwich vyann ak
fwomaj, fwomaj an baton, fwi, legim, yogout, biskwit sèk, eksetera. Ou dwe limite ji ak soda yo
epi ankouraje dlo ak lèt.
- Ankouraje goute ki bon pou lasante apre lekòl lage, tankou fwi, legim, ak sòs ki pa gen anpil
grès, biskwit sèk graham, manba, fwomaj, ak biskwit sèk, eksetera.
- Si w etabli yon bon egzanp pou tèt ou, sa va rann li pi fasil pou ankouje epi etabli abitid ki
bon pou lasante nan manje.
Return To Top
Egzèsis
Egzèsis
Timoun bezwen omwen inètan egzèsis pa jou. Ak orè chaje yo, ou ta panse li difisil pou fanmi jwenn
tan pou mete egzèsis fizik nan orè yo, men li pi fasil pase jan ou ta panse a!
- Etenn televizyon an: American Academy of Pediatrics [Akademi Amerikèn pou Pedyatri] rekòmande
pou timoun laj 2 an oswa plis (menm paran tou!) wè pa plis pase inèdtan oswa dezèdtan “bon
kalite” televizyon. Sa vle di pwogram edikatif, pwogram ki pa vyolan.
- Ann avan: Ankouraje pitit ou patisipe nan aktivite apre lekòl ki aktif epi òganize tankou espò
ak dans. Pri li koute pou leson, jwèt, inifòm, kostim, eksetera kapab difisil pou bidjè chak
fanmi, kifè chèche pwogram gratis epi a pri redui nan zòn kote w rete a.
- Kòmanse antrene: Nan laj sa a, timoun ka vin pi aktif nan espò apre lekòl lage. Pou akselere
pwogrè yo, yo kapab renmen kouri, kouri ann atlèt an ti pa, naje, patine oswa patisipe nan lòt
aktivite pou ogmante andirans yo.
- Ale deyò: Al mache, plante nan jaden, jwen nan pak, naje nan pisin lan, jwe espò ak jwèt – tout
aktivite sa yo se bon jan pou rante nan fè egzèsis.
- Fè yon vwayaj: Esye eskisyon ak vwayaj an fanmi ki ankouraje egzèsis amizan, tankou monte kannòt
oswa eskisyon nan yon Pak nan Eta Florid la – anpil nan vizit ak
aktivite nan pak yo gratis!
- Sèvi kòm egzanp: Si yo wè OU ap fè egzèsis, aktivite fizik vin fè yon pati nan lavi pitit ou.
Sèvi kòm egzanp pou kreye yon abitid ki bon pou lasante.
Sekirite
Si pitit ou patisipe nan espò, ou dwè konnen yo an sekirite:
- Tou depann de espò a, ou dwe konnen pitit ou gen ekipman kòrèk la pou pwoteje li. Magazen kote
yo vann ekipman ize se bon kote pou jwenn ekipman ki pa koute anpil, ou dwe konnen si yo an
sekirite – ou pa dwe itilize atik tankou kaskèt ankò, pa menm apre yon sèl kolizyon.
- Mete yon pwoteksyon pou bouch pou espò kote ki gen kontak fizik. Gen twa kalite pwoteksyon pou
dan: Tou pare (nan estòk), fèt sou fòm bouch la (bouyi-epi-mòde), ak sou kòmann (yon dantis fè).
- Fè pitit ou chofe epi tire. Yo ka pa sanble sa, men menm atlèt tankou jwè foutbòl pwofesyonèl yo
fleksib anpil, yo redui risk ki genyen pou yo pran chòk.
- Yo pa dwe tonbe nan yon abitid kote ou toujou ap fraktire nan fè espò. Kite pitit ou repoze
imedyatman apre yon frakti ki fè mal rive. Epitou, bay pitit ou 2 mwa repo chak ane san yo pa fè
espò espesifik yo konn fè a.
- Bwè anpil dlo pou evite dezidratasyon.
Return To Top
