Estaj lekòl elemantè a sandout fè paran yo pi pè pase timoun yo – bebe w la ap grandi! Gen anpil
bagay ki rive pou lapremyè fwa avèk endepandans yo fenk jwenn lan —genyen ki kapab pi enteresan
toujou pase premye pa yo!
Lekòl
Vwayaje nan otobis
Si l posib ak disponib, li pi bon pou pitit ou pran otobis la premye jou lekòl la – menm sa ki nan
jadendanfan yo. Men kèk lide ki pral rann eksperyans lan pi fasil pou noutoulede:
- Fè monte nan otobis la parèt yon pakèt zafè pou prepare pitit epi repase règ pou sekirite yo
avèk li.
- Mennen pitit ou nan arè otobis lekòl la epi al chèche yon nan arè a apre lekòl (oswa voye yon
moun al chèche yo)
- Pa swiv otobis la ale lekòl la pou ede pitit ou lè li rive lekòl la. Pwofesè yo ap kapab ede li
jwenn wout li.
- Si pitit ou plenyen de lòt timoun ki nan otobis la, rasanble tout detay yo epi kontakte pwofesè
pitit ou oswa direktè lekòl la.
Devwademezon
Depi nan kòmansman lekòl, devwademezon ap aktivite ak egzèsis amizan, men li toujou enpòtan pou
etabli baz la pou bon abitid pou fè devwademezon.
- Chwazi yon kote egzak pou fè devwademezon.
- Mete nou dakò sou yon lè regilye pou fin fè devwademezon, swa dapre revèy la oswa anvan pitit ou
al jwe, anvan li jwe videyo, eksetera.
- Pa fè devwa a pou pitit ou. Si pitit sanble li bezwen anpil èd, pale avèk pwofesè li de lòt jan
ou kapab ede.
- Menm si pitit ou pa gen devwademezon yon jou swa kèlkonk, eseye ba li yon liv pou li, ekri nan
yon jounal, eksetera pou li kapab kenbe woutin lan.
- Volontè nan klas pitit ou pou w ka gen yon lide sou kisa yap aprann, kouman pwofesè a fè kou a
epi ki kalite devwa pou w atann.
- Mande pitit ou kouman lajounen li te pase nan lekòl la pou w ka montre enterè ou epi pou sipòte
aktivite yo, epi gen yon lide sou nivo presyon, ki kapab afekte pwogram fè devwa a.
Return To Top
Amitye
Men si pitit ou gen zanmi ki pa nan lekòl la, li pral sandout fè plis pandan yap pwogrese nan chak
klas nan lekòl la. Men, pitit ou kapab difisil, kifè pa alame si li sanble li gen yon nouvo pi bon
zanmi souvan, epi pakonsekan, yon ansyen bon zanmi. Men kèk sijesyon sou kouman ou kapab nouri
amitye pitit ou:
- Rankontre zanmi pitit ou ak paran yo oswa moun ki pran swen yo a.
- Envite zanmi yo lakay ou pou vin jwe, men ou dwe gen yon seri prensi ki etabli pou lakay ou.
- Jwenn ki règ ki etabli lakay zanmi pitit ou pou ka pale de yo ak pitit ou.
- Fè pitit ou patisipe nan aktivite apre lekòl pou ekspoze li nan plis opòtinite pou fè zanmi, pou
ogmante respè li gen pou tèt li epi ankouraje konpòtman sosyal yo.
- Si gen yon pwoblèm ki rive ak yon zanmi, pale ak pitit ou sou rezon yon panse ki fè sa rive epi
kisa yo kapab fè pou rezoud li.
- Si w sispèk pitit ou kapab gen lòt timoun ki entimide li oswa lap entimide lòt timoun, pale ak
pwofesè li oswa direktè lekòl la imedyatman.
Nitrisyon
Chwa ki bon pou lasante
Li enpòtan pou paran bay yon konbinezon fwi, legim, pwoteyin (pwa, vyann), pwodui ki fèt ak lèt (lèt,
fwomaj) epi lanmidon (pen, makawoni) pou ankouraje abitid manje ki bon pou lasante nan repa ak goute
yo. Pou lide sou resèt pou goute ak repa ki bon pou lasante dapre pwodui Florida yo, gade nan Florida Department
of Agriculture’s Extreme Cuisine cookbook [Liv kwizin ekstrèm Depatman Agrikilti nan Florid
la]. Konsèy sa yo ap ede w mentni yon dyèt ki bon pou lasante pou pitit ou:
- Eseye fè ansòt pou manjemidi nan lekòl la bon pou lasante tou. Panse pou mete sandwich vyann ak
fwomaj, fwomaj an baton, fwi, legim koupe, yogout, biskwit sèk, eksetera. Ou dwe limite ji ak
soda yo epi ankouraje dlo ak lèt.
- Si w etabli yon bon egzanp pou tèt ou, sa va rann li pi fasil pou ankouje epi etabli abitid ki
bon pou lasante nan manje.
- Ankouraje goute ki bon pou lasante apre lekòl lage, tankou fwi, legim, ak sòs ki pa gen anpil
grès, biskwit sèk graham, manba, fwomaj, ak biskwit sèk, eksetera.
- Dejene se repa ki pi enpòtan nan jounen an. Manje dejene ede bay dijesyon ak metabolis yon
bourad.
Return To Top
Egzèsis
Altivite yo
Timoun bezwen omwen inètan egzèsis pa jou. Ak orè chaje yo, ou ta panse li difisil pou fanmi jwenn
tan pou mete egzèsis fizik nan orè yo, men li pi fasil pase jan ou ta panse a!
- Etenn televizyon an: American Academy of Pediatrics [Akademi Amerikèn pou Pedyatri] rekòmande
pou timoun laj 2 an oswa plis (menm paran tou!) wè pa plis pase inèdtan oswa dezèdtan “bon
kalite” televizyon. Sa vle di pwogram edikatif, pwogram ki pa vyolan.
- Yon fwa pitit ou gen 6 an, ankouraje yo patisipe nan aktivite apre lekòl ki aktif, òganize
tankou espò ak dans. Pri li koute pou leson, jwèt, inifòm, kostim, eksetera kapab difisil pou
bidjè chak fanmi, kifè chèche pwogram gratis epi a pri redui nan zòn kote w rete a.
- Ale deyò: Al mache, plante nan jaden, naje nan pisin lan, jwe espò ak jwèt – tout aktivite sa yo
se bon jan pou rante nan fè egzèsis.
- Fè yon vwayaj: Esye eskisyon ak vwayaj an fanmi ki ankouraje egzèsis amizan, tankou monte kannòt
oswa eskisyon nan yon Pak nan Eta Floridla – anpil nan vizit ak aktivite
nan pak yo gratis!
- Sèvi kòm egzanp: Si yo wè OU ap fè egzèsis, aktivite fizik vin fè yon pati nan lavi pitit ou.
Sèvi kòm egzanp pou kreye yon abitid ki bon pou lasante.
Sekirite
Si pitit ou patisipe nan espò, ou dwè konnen yo an sekirite:
- Tou depann de espò a, ou dwe konnen pitit ou gen ekipman kòrèk la pou pwoteje li. Magazen kote
yo vann ekipman ize se bon kote pou jwenn ekipman ki pa koute anpil, ou dwe konnen si yo an
sekirite – ou pa dwe itilize atik tankou kaskèt ankò, pa menm apre yon sèl kolizyon.
- Mete yon pwoteksyon pou dan pou espò kote ki gen kontak fizik. Gen twa kalite pwoteksyon pou
dan: Tou pare (nan estòk), fèt sou fòm bouch la (bouyi-epi-mòde), ak sou kòmann (yon dantis fè).
- Fè pitit ou chofe epi tire. Yo ka pa sanble sa, men menm atlèt tankou jwè foutbòl pwofesyonèl yo
fleksib anpil, yo redui risk ki genyen pou yo pran chòk.
- Yo pa dwe tonbe nan yon abitid kote ou toujou ap fraktire nan fè espò. Kite pitit ou repoze
imedyatman apre yon frakti ki fè mal rive. Epitou, bay pitit ou 2 mwa repo chak ane san yo pa fè
espò espesifik yo konn fè a.
- Bwè anpil dlo pou evite dezidratasyon.
Return To Top
